حالة من الجدل الواسع، أثارتها الفنانة عايدة رياض، لساعات الماضية، بعدما كشفت عن تفاصيل فترة إصابتها بالسرطان عام 2015 قبل شفائها منه.
وقالت عايدة رياض: “صعب أشرح أحاسيسي وقتها ولكن اتخضيت وما أعلنتش إلا بعد 3 سنين كنت فاكرة إني هتكل على الله وكنت عايشة في حالة رعب”.
تفاصيل صادمة عن إصابة عايدة رياض بالسرطان
وتابعت: “لكن ربنا بيدي البلاء ويدينا حاجات حلوة مش عارفين قيمتها يدينا سكينة ونسيان أو القناعة وعزة النفس حاجات مش إحنا اللي بنصنعها كل واحد بيدي له حاجات جميلة مش بنقدرها.”
وأضافت: ” لمرض عرفني إن مفيش أي حاجة في الحياة تستاهل، وكنت بحس إن ربنا إداني كتير بعد ما انفصلت اشتغلت وعملت نفسي واللي حواليا اللي محتاج ركزت نفسي وما بقتش محتاجة لأي حد ولما تعبت مبقتش محتاجة لحد.”
وفي وقت سابق، كشفت الفنانة عايدة رياض، كواليس تصوير مشاهدها مع الزعيم عادل إمام خلال فيلم “اللعب مع الكبار” وذكرياتها مع فيلم الكيت كات.
وقالت عايدة رياض:”مشهدي مع عادل إمام لما كنا احنا الاتنين بنضرب بعض المخرج شريف عرفة أخده مشهد واحد، والمشهد ده كان ضرب نار ولا يمكن ينسى”.
وتابعت: ” وأنا بعمل بروفة قبل التصوير عادل إمام قال لي خلي بالك واضربي على الهوا ورجلك بس تتفرد مش نضرب شالوت في الجسم”.
وأضافت: “واشتغلنا في تصوير مشهد البوس وبعدين لقيته بيضرب بجد وأنا كنت بقى رياضية رُحت قايمة واديتله بالروسية وعملت مجهود علشان أضربه بالرأس وفعلًا الضرب كان بجد لدرجة إنه قال لي يا بنت اللذينا وبعدين حطني على الترابيزة وبعدها كان فيه تقطيعات”.
