أزمة حسن شاكوش وزوجته تشتد كل يوم عن اليوم الذي سبقه، الموضوع وصل للأهل والدنيا تعقدت بينهم لدرجة كبيرة، أهل زوجته ضربوا أمه في الشارع رغم معاناتها مع السرطان، ولم ينتهي الأمر عن الضرب فقط، تابعونا لمعرفة ماذا حدث؟
الموضوع تطور خالص في خناقة حسن شاكوش وزوجته ريم طارق، بعد ما كانت المشاكل بين الاتنين بس دلوقتى تدخل الأهل في الموضوع، من شويه عرفنا أن أهل ريم طارق راحوا لبيت أم حسن شاكوش وأدوها علقه لما الست استوت.
ومش بس كده دول كمان علو صوتهم عليها وسط الشارع في منطقة بولاق الدكرور بالقاهرة، لولا أن الناس في الشارع تدخلوا في اللحظة المناسبة كانت الأمور هتوسع منهم خالص وياعالم كان ايه اللى هيحصل مع أم حسن، وأنتم عارفين أنها ست كبيرة عندها كانسر، وموضوع الكانسر ده للي مايعرفوش كان قايل عليه حسن شاكوش من فتره، وأنه يعنى شغال في الغناء عشان يجيب الدواء لأمه.
مين بقى اللى راحوا بالظبط لبيت أم حسن شاكوش ؟ الحقيقة مافيش ولا خبر رسمى حدد مين بالظبط، كل اللى طلع رسميا أن عدد من أهل مريم هما اللى راحو ولم تطرق الأخبار لذكر من بالتحديد اللى راح، المهم أنهم هزقوها جامد وسط الشارع.
ودلوقتى حسن شاكوش و أخوه مقدمين بلاغ في النيابة عشان الواقعة دى بالتحديد، والنيابة على حسب كلام موقع المصرى اليوم شغاله على تفريغ الكاميرات اللى كانت في المنطقه، عشان يعرفوا الكلام ده صح ولا لأ، لان يمكن يكون البلاغ اللى قدمته أسرة حسن شاكوش مبالغ فيه شويه، أنتم عارفين يعنى الشرطه لازم تعرف الحقيقة وتفصصها كلها، عشان الحكم النهائي يكون صح ومايكونش فيه أي حاجه مش مظبوطه أو مشكوك فيها.
الفكرة بقى هي أن أم حسن شاكوش استحملت اللى حصل فيها ولا حصلها مشكله، لأن زى ما قولنا من شويه الست عندها كانسر من فتره و صحتها على قدها خالص، دى ماشية بالعافية، وخلاص اصلا زي أي أم كبيرة في الست صحتها بتكون على القد خالص، ادعولها ربنا يشفيها يا جماعه دى ست كبيره.
وبسبب اللى حصله لأم حسن شاكوش ده، فيه ناس وجهت انتقادات كتيره لريم طارق زوجة حسن وأهلها، قالوا أن أصل المشكلة بين حسن ومراته ايه لازمه أن الأمور توصل للأهل والمشكلة تكبر بالشكل ده، دول لو عايزين يخربوا فعلا البيت مش هيعملوا كده.
وفى نفس الوقت اللى تم توجيه انتقادات لريم وأسرتها تم توجيه انتقادات بردوا لحسن شاكوش لأن كان السبب الأول في اللى حصل، ما كان حل مشاكله بره البيت وبهدوء مع زوجته على طول.
اللافت بقى واللى يحير في الواقعه دى أن أم حسن شاكوش كانت فرحانه بيه جدا لما أتجوز ريم طارق، يعنى العلاقة بينها وبين ريم كانت حلوة ومفيهاش أي مشاكل قبل الخناقة دى، فا ليه بقى يحصل معاها كده.
لحد هنا ونكون وصلنا لنهاية الفيديو وعرفناكم كل اللى حصل فى ازمة حسن شاكوش وأهل ريم اللى راحوا على أمه وأدوها علقه، عايزينكم بقى تكتبوا رأيكم في التعليقات بصراحه وتقولوا مين السبب فى المشاكل دى كلها.
