حالة من الجدل الواسع، أثارتها الفنانة إنجي المقدم، الساعات الماضية، بعد تصريحات مثيرة لها عن عمليات تجميد البويضات التي تقوم بها بعض السيدات للحفاظ على قدرتهن على الإنجاب.
وقالت إنجي المقدم خلال لقائها مع «gossips»: ” ليه لأ؟ العلم وصلِّنا حاجة حلوة متطورة مفيهاش حاجة بتخالف أي شرع، أو دين وفرصة لأي حد مقدرش يتجوز لحد معدا سن انه يقدر يخلف وبعد كدة ربنا كرمه واتجوز يستخدم البويضات ويخلف.. .دي غريزة كل أم بتتمناها والعلم وفَّرها فليه لأ؟”.
تصريح مثير من إنجي المقدم عن تجميد البويضات
وأضافت: «نصيحة لكل البنات ولكل الستات، العمر بيعدي بسرعة بينا، وتجميد البويضات دي أحسن طريقة للحفاظ على إمكانية الإنجاب مرة أخرى في المستقبل، افتحوا البوست ده فيه كل المعلومات مع الدكتور شريف باشا سيف ومركز صن رايز».
وفي وقت سابق، كشفت الفنانة إنجي المقدم عن تعرضها للتحرش وهي في سن الـ 16، موضحة أنها دائمًا ما تذهب إلى الطبيب النفسي، وذلك خلال لقاء لها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس.
وقالت إنجي المقدم: “تجربة التحرش في 16 سنة أثرت جوايا وعندنا حاجات في العقل الباطن وبتتخزن وبنعمل نفسنا مش واخدين بالنا بس بتطلع في أوقات وتتصرفي تصرفات غريبة.”
وأضافت: “قولت لأهلي لما حصلي تحرش وكانت صدمة كبيرة بس أهلي كانوا في ضهري بس الشغل على الأثر النفسي مشتغلناش عليه بس الجيل واهلنا مكنش عندهم الوعي.”
وأكملت: “كان في موقف من أهلي بس الموقف عدى ومفيش حد اشتغل على الأثر النفسي ومؤخرا بتعامل معاه.”
