فنانة سورية كانت أجمل فنانات السينما لدرجة إن فاتن حمامة تسببت في طردها من مصر، كل هذا لأن المنتجين عرضوا عليها تشارك في 12 فيلم جديد وهذا كان بسبب مشاركتها مع عمر الشريف في فيلم.
ود اللي خلى فاتن غيرانة منها وشافتها خطر عليها، طيب مين الفنانة السورية دي وإيه اللي حصلها وليه اختفت فجأة وبعدين عاشت في دار مسنين، كل ده وأكتر هتعرفوه معانا في التالي:
هددت عرض فات حمامة
من فترة كده في صور اتنشرت على مواقع التواصل الاجتماعي ظهرت فيها سيدة عجوز واتقال إنها كانت من أجمل فنانات جيلها لدرجة إنها هددت عرش فاتن حمامة في السينما وكانت هتغطي عليها وتاكل منها الجو وده اللي خلى فاتن تطردها من مصر، والكل قعد يقول مين الفنانة دي؟، وطلعت الفنانة السورية هالة شوكت اللي كانت نهايتها وحشة واضطرت تترك بيت العيلة وتعيش أيامها الأخيرة في دار السعادة للمسنين، طيب هو هالة ده اسمها الحقيقي؟.
مين هي هالة شوكت؟
وهالة شوكت ده مش اسمها الحقيقي ده الاسم الفني اللي عرفها بيه الجمهور لكن هي في الحقيقة اسمها فاطمة توركان واتولدت في مدينة درعا في سوريا يوم 18 مارس سنة 1930 وهي من أصل تركماني وكانت بتجيد اللغة التركية بطلاقة، ومع استمرارها في الفن انتسبت لنقابة الفنانين في سوريا وبدأت أولى خطواتها الفنية في دمشق، وبعدها اتنقلت لعالم النجومية والشهرة في مصر.
علاقتها إيه بعمر الشريف؟
طبعًا كلنا عارفين قصة الحب الكبيرة بين فاتن حمامة وعمر الشريف واللي ملهاش زي في الوسط الفني كله لدرجة إن عمر لما جالة زهايمر نسي كل حاجة إلا فاتن حبه الوحيد، المهم فاطمة توركان دي اكتشفها المخرج المصري عاطف سالم وهو اللي اختارلها اسمها الفني هالة شوكت وقدمها في أولى تجاربها التمثيلية في مصر من خلال فيلم “موعد مع المجهول” وده كان بطولة عمر الشريف وسامية جمال وعمر الحريري وفاخر فاخر وكمال حسين ويوسف فخر الدين وثريا فخري، وقصة وسيناريو وحوار يوسف عيسى، وطبعًا دي علاقة فنية لكنها فتحت لها طاقة القدر.
سبب غيرة فاتن حمامة منها
ولما ظهرت هالة مع عمر الشريف في الفيلم عملت ضجة كبيرة أوي لإنها اتألقت في تجسيد شخصية “نادية” الفتاة الرومانسية الرقيقة قدام عمر الشريف، والمنتجين جريوا وراها لدرجة إنها اتعاقدت على بطولة 12 فيلم سينمائي وده بقى اللي أثار غضب سيدة الشاشة العربية فاتن حمامة وهوب الغيرة دبت قامت عاملة مكالمة تليفون للمنتج الكبير هنري بركات وقالت له: “هالة شوكت خطر على السينما المصرية”، وبعدها اتفاجئت هالة بسحب كل العقود اللي اتعاقدت عليها لبطولة أفلامها الجديدة واتطردت من مصر بعد ما انتهت فترة إقامتها، فاضطرت ترجع على بلدها سوريا ولما حاولت أكثر من مرة تانية ترجع القاهرة اتمنت من دخول مصر.
مسيرة فنية حافلة لهالة شوكت
وتعتبر مسيرة هالة شوكت الفنية حافلة بالأعمال يعني كانت البطولة في فيلم “موعد مع المجهول” قدام عمر الشريف سنة 1959، والنهاية كانت سنة 2006 وشوفنها في أدوار أم نصار في “الخوالي”، وأم عمر في “ليالي الصالحية”، والجدة الحنون في مسلسل “عشتار”، وعاشت آخر أيامها في دار السعادة للمسنين، واللي قالت غنها دخلتها بكامل إرادتها عشا تلاقي الرعاية الكافية، لحد ما رحلت سنة 2007 وتركت للدراما السورية أعمال كتير في السينما والمسرح والتليفزيون، كان أشهرها “حمام الهنا” مع دريد لحام ونهاد قلعي سنة 1968، ومشروع الفنان ياسر العظمة الأبرز “مرايا”، وكمان مسلسل “أيام شامية”.
