فنانة شهيرة تنهار: "عليا ديون وقضيتي ولا حاجة بالنسبة لفنانين اتمسكوا في دعارة"

علقت الفنانة وفاء مكي، على الهجوم الذي تتعرض له حاليًا بعد تداول رواد السوشيال ميديا قضية تعذيبها لـ خادمتين، والتي كانت حدثت منذ 20 عاما.

وقالت وفاء مكي، في تصريحات صحفية: ” أنا معنديش شغلانة غير الفن ودا مصدر رزقي ومليش في الدنيا غير ربنا، أنا عاملة 86 بطولة وأعمالي تشهد لي ولما أرجع لازم أرجع بعمل يليق بتاريخي، والمفروض شركات الإنتاج تستغل وضعنا وتاريخنا كـ فنانين”.

وتابعت: “أنا قضيتي بقالها 30 سنة وفنانين كتير من غير شغل يا ترى كان لهم قضية بردو؟ أنا طلعت اشتغلت بعد قضيتي بالـ 5 أعمال، ولكني حاليًا عليا ديون وبصرف على طفل يتيم وأمي مريضة ومش بتتحرك والناس اللي بتتكلم على قضية بقالها سنين دول مش لاقيين حاجة يقولوها دا فيه فنانين خرجوا من قضايا دعارة واشتغلوا عادي، هو فيه أكتر من الدعارة؟”.