خلال الفترة الأخيرة ، اختفى العديد من الفنانين عن الأنظار وكلنا كنا نسألأين اختفوا؟ ولكن بين حين والآخر نجد فنان يظهر ويشكو من تجاهله ومن عدم مشاركته في أي أعمال جديدة خلال الفترة الأخيرة، لدرجة أن إحدى الفنانات فكرت في الإعتزال بسبب الأمر.
وفي التقرير اللي معانا هنتكلم عن الفنانين اللي اختفوا من على الساحة الفنية رغم الزخم الكبير في دراما رمضان 2023 مثلًا وعودة الأعمال اللي بتتعرض على المنصات للتصوير عشان يبتدي عرضها بعد ما خلص موسم رمضان، ومين الفنانين اللي شايفين الوسط الفني خاضع للأهواء الشخصية ومبيعتمدش على النجومية والموهبة، ومين الفنان اللي اشتكي من إصابته باكتئاب بسبب قلة الشغل.
دانا حمدان جددت الموضوع
والفنان دانا حمدان جددت موضوع تجاهل الفنانين من المنتجين اللي مش بيشغلوهم في أدوار فنية، وشافت إنها مش موجودة بسبب ظلم لأن لو كان كان في ظلم هيبقى تعمد وفعلًا هي مش مظلومة ومحدش متعمد عدم وجودها لكن العين مش عليها ولما ييجي تسكين الأدوار محدش بيفكر في دانا ويمكن لو أدوني فرصة لدور ماشي بس في نفس الوقت هي معندهاش حتة رفض الدور بالعكس هي بتسعى ونفسها تمثل وتعمل أدويشن عادي لكن حل الموضوع ده المخرجين والمنتجين تحديدًا.
نجوى فؤاد مشتغلتش من سنين
والفنانة نجوى فؤاد، عاشت فترة حزن الأيام اللي فاتت بسبب تجاهل زملائها داخل الوسط الفني ليها وقالت أنا مشتغلتش من 7 سنين ووصفت الوسط إنه مبقاش فيه أي رحمة عكس زمان خالص كان في رحمة وعطف وحنان من الفنانين على بعضهم، فين أنا عايزة أعيش بقالي 50 سنة أو 49 سنة شغاله في مجال الفن، وضيعت فلوسي كلها في الإنتاج الفني، وفي ناس بتشتغل أكتر من 30 عمل.
بس أنا ليه مش بشتغل، بيتقال إن السبب العرض والطلب وده متوفر بس في البطل والبطلة والمؤلف والمخرج يعني 4 أو خمس عناصر بس وهما دول اللي بيقوم عليهم العمل لكن باقي الأدوار زي التاني والتالت والأدوار الثانوية مش عرض وطلب ولازم يشتغلوا.
نشوى مصطفى عايزة واسطة
أما الفنانة نشوى مصطفى فطلبت من زمايلها في الوسط الفني يساعدوها ترجع الشغل مرة تانية بعد سنين من قعدتها في البيت وكتبت في منشور ليها على فيسبوك وقالت: “حد عنده واسطة.. عايزة أمثل، أنا معايا بكالوريوس فنون مسرحية قسم تمثيل وإخراج بتقدير جيد جداً ومثلت قبل كده وفيه ناس قالت إني ممثلة يجي مني”.
كريم الحسيني حول عربيته لمشروع
وكريم الحسيني بيعاني قلة الأعمال المعروضة عليه واستيائه من عدم مشاركته في الأفلام السينمائية، وبالتالي لجأ إنه يحول عربيته الخاصة لمشروع مشروبات ساخنة لمواجهة متطلبات الحياة ولإنه مش قادر على التحمل.
ميريهان حسين فكرت تعتزل
وحصل ضجة كبيرة حوالين تصريحات الفنانة ميريهان حسين بعد ما أعلنت إنها بتفكر في اعتزال الفن، واشتكت من تعرضها للظلم وإن الوسط الفني بيخضع للأهواء الشخصية ومفيش نظرة للموهبة.
لقلة الأعمال المعروضة عليه واستيائه من عدم مشاركته في الأفلام السينمائية، لجأ الفنان الشاب إلى تحويل سيارته الخاصة لمشروع مشروبات ساخنة وذلك لمواجهة متطلبات الحياة وعدم مقدرته على التحمل.
فادي خفاجة والاكتئاب
والفنان فادي خفاجة شاف إن موسم رمضان كان في زخم ورغم كده مفيش أعمال فنية بتتعرض عليه وده اللي خلاه يخرج عن صمته ويشتكي وقال إن المر ده سبب إصابته باكتئاب.
ومش القايمة دي بس اللي عانت من التجاهل وقلة الشغل وفي فنانين تانيين بيعانوا واشتكوا قبل كده زي محمود عامل وسيف عبدالرحمن ونعيم عيسى وفاروق فلوكس وأحمد عزمي وياسمين جمال وفاطمة الكاشف ومها أحمد وراندا البحيري، وغيرهم، وبعد دانا حمدان ما اشتكت تفتكروا هيكون في تغيير في خطة المنتجين والمخرجين إنهم يبصوا لفنانين اللي بيعانوا من التجاهل وقلة الشغل ولا الحال هيفضل زي ما هو، اكتبولنا آرائكم في التعليقات.
