وجه أحد المتابعين سؤالا للداعية مصطفى حسني يقول فيه: “لماذا تحضر حفلات زواج بها أغاني ورقص؟”.
من جانبه رد مصطفى حسني قائلا: “لا مش بعمل كدا الحمد لله، أنا بحضرعقد القران فقط، لو حد طلني اني اعقد او اشهد على زواجه ووقتي يسمح بروح”.
تصريحات مصطفى حسني
وتابع: “احيانا بلاقي المعازيم منفتحين شوية في اللبس.. طب انا ذنبي ايه في حاجة زي كدة؟”.
وأكمل: “هل ينفع اقوله لو عايزني اجيلك قول لكل الناس الجاية يلبسوا كذا؟ لا مينفعش.. وعموما كلهم على راسي مهما كانت اختيارتهم في اللبس”.
وفي وقت سابق، قال مصطفى حسني في مقطع فيديو: “الحقيقة أن لو كان ربنا علمنا في القرآن أو في السنة إن إحنا نجزم أن الزلازل والبراكين والمجاعات والطاعون غضبًا منه كنا قولنا كدا”.
وأضاف: “لكن اللي بيجزم ويقول قولًا واحدًا إن الزلازل دي غضبًا من ربنا بيعمل مشكلة كبيرة جدًا في عقيدة المسلمين، لأن المسلمين الموحدين يعرفوا أن ربنا رحيم ومع رحمته عادل.
وتابع: “فيجي يقول شخص طيب زلزال موت عشرات الآلاف من الناس الغلابة في سوريا اللي أصلًا عندهم صعوبات بقالهم سنين طويلة وحرب، طيب ما كان يوقع العمارات على الكفار والملحدين وعباد البقر.. ليه ربنا يصب غضبه على أمته؟”
