أعلن إيهاب صالح مدير أعمال المطربة شيرين عبد الوهاب، انفصاله عنها، وذلك بعد نجاح حفلها الأخير في جدة، من خلال منشور دونه عبر حسابه الرسمي، بموقع تويتر.
وقال إيهاب: جمهور شيرين العظيم الحمد لله على نجاح حفل جدة كما كان متوقع، وده العادي بتاع شيري في أي حفلة، أجلت الإعلان بالقرار ده لحد بعد الحفلة، وحابب أشكركم جدًا على كم الدعم الرهيب في خلال الفترة اللي فاتت ليها في المقام الأول، وطبعا بعد كدة ليا.
وتابع: قررنا إن من الأفضل لينا إن نحط صداقتنا والعشرة قبل أي حاجة، وإني أبتعد عن إدارة أعمالها، وده أكيد لمصلحة الطرفين ولينا أسبابنا، مبروك وشكرا يا شيري من كل قلبي ويا رب أكون كنت على قد وعدي وكلمتي ليكي، إني دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة، وخلاص أهو الألبوم على الأبواب، ومتأكد إنه هينجح نجاح غير عادي.
اقرأ أيضًا: سر خطير وراء غلق يسري نصر الله أذنه عند سماع صوت أنغام.. مفاجأة غير متوقعة
