أحيت الفنانة شيرين عبد الوهاب، الساعات الماضية، حفل غنائي في دبي أثار ضجة واسعة على مواقع التواصل.
وأثناء غنائها على خشبة المسرح تعثرت شيرين وسقطت على الأرض، وركض أعضاء فرقتها المسرحية عليها وساعدوها لتقوم مجددا، وتم نقلها إلى المستشفى بعد الحفل.
«مش هنهدى بأي شكل».. مدير أعمال شيرين يفجر مفاجأة عن حالتها الصحية
من جانبه، كشف إيهاب صالح مدير أعمال الفنانة شيرين عبد الوهاب عبر حسابه الشخصي على موقع التغريدات الشهير “تويتر” تطورات حالتها الصحية.
وكتب: “جمهور شيرين أنا دايمًا عارف أنكم سند وضهر ليها.. بس عمري ما كنت أتخيل أنكم بالحجم والعظمة دي بجد ما شاء الله.. عايز أطمنكم إن شيرين بخير.. وخرجت من المستشفى بعد شوية فحوصات وإشاعات على رجليها.. بعد ما تحاملت على نفسها عشان تكمل الحفل بنجاح.. شكرًا بجد على كل الحب والدعم ده”.
وأضاف صالح: “شكر كبير جدًا لدولة الإمارات وإمارة دبي على واحدة من أعظم حفلات شيرين على الإطلاق.. وده بشهادة الجمهور العظيم والرهيب اللي كان حاضر امبارح وطبعًا أكيد حابب أشكر جدًا شركة moments على التنظيم الرائع والمحترم وكرم الضيافة”.
وأكمل: “أخيرًا بقى بالنسبة للمفاجآت اللي وعدتكم بيها قبل الحفل، خليكم واثقين إن اللي جاي كتير جدًا وحفلات في كل حتة إن شاء الله.. ومش هنهدى بأي شكل عشان شيرين عندها طاقة وحماس ملهمش آخر.. ووعد مني إن شاء الله نعوضكم.”
