حالة من الجدل الواسع، شهدتها مواقع التواصل الاجتماعي، الساعات الماضية، بعدما أعلنت البلوجر الشهيرة أم خالد طلاقها من زوجها محمد والد طفليها خالد وريان، وذلك خلال مقطع فيديو شاركته عبر حسابها الشخصي بموقع تداول الصور والفيديوهات “إنستجرام”.
وكشفت أم خالد خلال الفيديو عن سبب طلاقها حيث قالت: “في الفترة الأخيرة كان فيه مشاكل بيني وبين زوجي محمد، وأنا مش بتاعة ترندات، ومش محتاجة أعمل تريند عشان أجيب مُشاهدات، وعمري ما كنت أتخيل إني أطلع أقولكم كدة”.
مفاجأة.. السبب الحقيقي وراء طلاق البلوجر أم خالد
وتابعت: “احنا نصيبنا خلاص انتهى ووقف لحد هنا.. وليه مني كل التقدير والاحترام، لأني مشفتش منه غير كل حب وخير، ودلوقتي بدور على بيت تاني عشان أعيش فيه أنا وعيالي خالد وريان، ومش عايزة منكم غير دعوات بإن ربنا يقويني على تربية عيالي، ويارب أشوفهم أحسن الناس”.
واختتمت: “متقعدوش كل شوية تكتبولي تعليقات سلبية، أنا مش عايزة أكون مكتئبة، وهو ده نصيبي، اللي من نصيبك هيصيبك، أنا مؤمنة وبصلي وعارفة ربنا كويس”.
وأوضحت أم خالد إن الشقة التي تعيش فيها حاليًا لم تكن شقة زوجها، لذا فهي لابد أن تبحث عن شقة أخرى للعيش فيها، حيث قالت: “الناس اللي بتقولي الشقة من حقك طب لو الشقة مش بتاعته يبقي الحل ايه؟”.
وأضافت: “البيوت أسرار يا جماعة متاخدوش بالظاهر، وأنا ربنا عالم بيا وبحالي ادعولي ربنا يقويني على تربية أولادي ويوفقني في اللي جاي، وأنا راضية بأي حاجة ربنا كتبهالي، الحمد لله كله خير من عند ربنا”.
اقرأ ايضا:
