قالوا أن عمرو دياب كان معه بنت في الساحل وشاب رأه، وحاول الشاب أن يصوره ولكنه انفعل عليه وأخذ الموبايل منه يمسح الصور.
ايه حقيقة الفيديو المسرب لعمرو دياب في الساحل؟ مين البنت اللى كانت معاه؟ وليه اتخانق مع الشاب اللى كان بيصورهم؟ .. كل ده وأكتر هنعرفه مع بعض في التالي:
الفترة دى شكلها بتاعت عمرو دياب كلها، كل يوم والتانى نسمع عن حوار ليه فى الساحل الشمالى، مرة مع الراقصة اللبنانية المشهورة داليدا خليل ودلوقتى مع شاب مسك فيه في الساحل الشمالى بسبب أنه كان بيصورة مع واحده معاها.
موقع “صدى البلد” الإخبارى نشر فيديو لعمرو دياب في الساحل الشمالى وقال إنه لعمرو وهو شادد مع شاب في الساحل وواخد منه الموبايل، السبب في أخدان عمرو لموبايل الشاب أنه الأخير كان بيصور عمرو ومعاه بنت وعمرو مكنش عايز الصور دى تظهر للعلن والناس تشوفها.
الواقعة اللى حصلت مع عمرو دياب دى كلها اتصورت فيديو والفيديو ده نشر على مواقع السوشيال ميديا وكل الناس شافته، ظهر في الفيديو ان عمرو دياب كان جنبيه بنت بتحاول تتصور معاه وبعدها عمرو ظهر مندفع جدا وزهقان جدا من شاب بعيد كان بيصوره وقام رايح عليه مره واحده واخد منه الموبايل وماسح الصور اللى عليه، ده على حسب المعلومات اللى ذكرها موقع صدى البلد الإخبارى.
بالنسبة بقى لجمهور عمرو دياب على تيك توك فا دول كان ليهم آراء مختلفة جدا، فيهم اللى قال ان عمرو دياب حر يعمل اللى عايزة، مش من حق الشاب أنه يصوره، وفيهم اللى حاول يدافع عن تصرف عمرو دياب بطريقة أخرى، قالك عمرو دياب أصلا راح أخد الموبايل من الشاب لأن فلاش الموبايل اللى كان بيصور بيه الشاب كان مضايق عين عمرو دياب، الجو ليل ولما الفلاش ظهر عمل مشكله في عين عمرو دياب وضايقة.
اللى شغل الناس أكتر بقى أن مين هي البنت اللى كانت مع عمرو دياب دى وليه أتصور معاها، الأسئلة كتير بتدور حوالين النقطة دى، هل دى معجبة عادية من معجبات عمرو دياب الكتير ولا دى بنت جديدة ليها علاقة عمرو دياب؟، والحقيقة ماحدش لحد الان عارف أن كانت دى معجبة عادية بعمرو دياب ولا ممكن تكون بنت جديدة هيرتبط بيها.
خصوصا أن عمرو دياب طلع عليه كلام الفترة دى أنه على علاقة بالراقصة والفنانة اللبنانية داليدا خليل، الكلام طلع على عمرو دياب بعد الصور المثيرة اللى نشرت ليه مع داليدا في الساحل الشمالى، الصور كانت لافتة جدا وعمرو دياب كان واخد راحته قوى في الصور مع البنت، دى على كلام الجمهور .
المهم، أنتم أيه رأيكم دلوقتى في التصرفات والحكايات اللى كل شويه تطلع عن عمرو دياب دى، توقعكم ليه كتر عليه الكلام الفترة دى بالتحديد، هل ممكن يكون عمرو على علاقة جديدة ببنت فعلا وهيرتبط ولا مجرد كلام ؟ اكتبوا ردودكم في التعليقات.
