أزمة حسن شاكوش وزوجته، تصدرت حديث السوشيال ميديا اليام الماضية، ولكن مع تصريحات كلا من الطرفين فقد تورطا في قضية تزوير ، حيث انهم أبلغوا عن أنفيهم دون قصد .
إزاي حسن شاكوش وزوجته بلغوا عن نفسهم ؟ وقد ايه الوقت اللي هيقعدوه في الحبس ؟ .. كل ده وأكتر هنعرفه مع بعض في الفيديو ده.
النص: فى الوقت اللى حسن شاكوش وزوجته ماشين فيه فى طريق الصلح النيابة بتدور وراهم، واحتمال كبير الأتنين يتحبسوا، كل واحد فيهم 7 سنين على الأقل، وده محصلش إلا لما الأتنين اتكلموا على بعض وراحوا للنيابة برجليهم.
زي ماكلنا عرفنا خلال الأيام اللى فاتت أن حسن شاكوش وزوجته ريم طارق اتخانقوا خناقة كبيرة قوي، فيها الزوجة قالت عليه انه سرقها وسرق دهبها وفلوسها وهو قال إنها اللى سرقته وهربت بفلوسه اللى كان سايبها في البيت، ومن هنا لهنا وصلت الاتهامات دي لنيابه اللى استدعت الأتنين وبدأت تحقق معاهم، ووقت التحقيق اتضح أن الزوجين مزورين ورق رسمى، الورق ده هوا قسميه الزواج والبطاقه الشخصيه لـ ريم طارق.
ريم اتضح أنها كاتبة في قسيمة الزواج أنها بكر وبنت بنوت ماسبقش ليها الزواج قبل كده وكمان بطاقتها اللى قدمتها للماذون كاتبه فيها أنها لسه آنسه، على الرغم من أنها متجوزه قبل كده من واحد فضلت معاه شهرين واتطلقت، ومعنى كده أنها مزورة رسمي في مستندات رسمية.
أما بقي النجم حسن شاكوش فاهوا كمان طلع مزور في قسميه الزواج، الأستاذ كاتب في القسيمة أن مافيش غير ريم طارق بس اللى على ذمته، وهو في الحقيقة فيه واحده تانيه كانت على ذمته لحد يوم كتب كتابه على ريم طارق، يعني طلع هو كمان مزور.
وبعد اللى حصل ده فيه أكتر من مصدر قانوني اتكلم بخصوص اللي حصل من حسن شاكوش ومراته وتحديدًا ريم طارق اللي اتقال إنها مهددة بالحبس 7 سنين بتهمة التزوير في مستندات رسمية، عشان سلمت بطاقة شخصية مكتوب فيها إنها “آنسة” في خانة الحالة الاجتماعية وبكده القانون يعاقبها لانها سبق ليها الجواز والطلاق ومغيرتش بيانات البطاقة واتجوزت ببطاقة فيها بيانات قديمة، ونفس الحال مع حسن شاكوش لأنه زور في قسيمة الزواج وقال إن على ذمته زوجة واحدة بس، رغم ان كان على ذمته واحدة غيرها.
واكد على الكلام ده المحامي عبد الحميد رحيم، وقال إن صح عقد زواج حسن شاكوش وريم طارق المتداول، فا ما فعلته الزوجة قد يعرضها لعقوبة الحبس لأنها أدلت ببيانات كاذبة في ورقة رسمية، أمام شخص مكلف بخدمة عامة، ووضح المحامي أن الموظف الذي يتمتع بالصفة الرسمية، في حالة تلقيه بيانات من أصحاب الشأن.
وأثبتها في ورقة رسمية وهي مخالفة للحقيقة، يكون ملقى البيانات اللى قالها يعني قد ارتكب جريمة التزوير، التي يعاقب عليها القانون، وهي إحدى صور التزوير المعاقب عليها بالمادة 213 من قانون العقوبات المصري.
وبما أن المأذون شخص مكلف بخدمة عامة تكون زوجة حسن شاكوش، قد ارتكبت جريمة التزوير بطريق الغش وتعاقب بالحبس، وفقاً لنص المادة 227 من قانون العقوبات لقولها بيانات في عقد الزواج وهي تعلم أنها غير صحيحة.
الأخطر من كده إن فيه احتمالية أن عقد الزواج اصلا باطل، لأنها زورت في قسيمة الزواج.
