حياة الفنان تامر حستي سبب جدل كبير وذلك بسبب انتشار العديد من الاخبار بالعلاقات النسائية في حياته وخاصة السيدات من شمال أفريقيا. أبرزهم بالطبع طليقته وأم أولاده بسمة بوسيل.. المغربية التي خطفت قلبه وأقنعته بالزواج رغم فرق السن بينهم.
وخلفت منه 3 أطفال في وقت قصير جدا.. ولكن كل دي تفاصيل مقدرتش تحافظ على استمرار العلاقة.. وطبعا في النص كان في خلافات وقصص مع ستات أبرزهم جليلة اللي قالت بمنتهى الوضوح وقدام الكاميرات “بحبه وبموت عليه”.. النهارده في حكاية جديدة بتظهر في حياة نجم الجيل.. تعالوا نشوف مين دي كمان
بما إن الفنان تامر حسني يعتبر أحدث شخصية سينجل في الوسط الفني.. بعد ما انفصل تماما عن بسمة بوسيل وكل واحد راح لحاله.. هيبقى طول الوقت تحت الأنظار.. وكل ما واحدة تظهر في حياته أو تبقى على علاقة صداقة معاه.. أو حتى يتصور معاها.. هيبقى في جدل حواليهم.. واحنا طبعا عارفين إن نجم الجيل “اشطه بيحب كده”.
من يومين تامر حسني كان عنده حفلة في تونس.. وحضرها عدد كبير من الجماهير.. وكانت العيون كلها عليه والاستقبال كان على أعلى مستوى.. لكن ظهرت في الأفق علاقة جديدة في حياته.. مكنش حد يسمع عنها قبل كده.. وطبعا مع فنانة تونسية.. بديهيات يعني.
الفنانة يسرا المسعودي الحائرة بين الاعتزال والعودة.. حضرت حفل تامر حسني في تونس.. وكشفت لأول مرة عن وجود علاقة بينهم.. العلاقة دي مش متحدد معالمها ولا بدأت امتى أصلا.. لكن هي بتقول إنهم صحاب جامد أوي.. وممكن يقدموا عمل سوا قريب.
يسرا المسعودي بقالها فترة بتحاول تتواصل مع تامر حسني.. وتكون مقربة منه.. وكانت حريصة إنها تباركله في تصريحات صحفية قبل كده على فيلم “مش أنا”.. وقالت عنه إنه شخص مجتهد وغير عادي.. ومثل أعلى في النجاح والطموح.. وعشان كده بتعتبره حالة فنية خاصة.
تامر حسني بالنسبة للفنانة يسرا المسعودي.. شخص بيعرف ازاي يحول كل حاجة لنجاح.. ومبيعرفش المستحيل.. وكانت بتتمنى تقدم معاه تجربة فنية لإنها مغرمة بيه جدا.. كل ده كلامها عن زميل مكنتش متواصلة معاه زمان.. لكن دلوقتي فجأة بقى صديق مقرب.. غريبة.
بعد حفلته في تونس يسرا المسعودي كانت حريصة إنها تنشر صور لها ووالدتها مع تامر حسني.. وكان واضح جدا قد ايه هما بقوا مقربين.. لدرجة إن الصحافة التونسية استغربت الموضوع.. وسألتها بشكل صريح عن طبيعة العلاقة بينهم.. أصله من امتى يعني؟
وطبعا يسرا اللي ممكن تكون كانت قاصدة تثير الجدل بالصور دي.. أنكرت أي نية غريبة ورا الموضوع.. وقالت إنها مستغربة من السؤال اللي بيتكرر كتير عن حقيقة العلاقة اللي بتربطها بالفنان تامر حسني.
وقالت إنها دايما بتتسأل السؤال ده.. والموضوع واضح يعني.. كانت حاضرة الحفلة عشان ماحلاه وماحلاه وجوده في تونس.. والحفلة كانت مزيانة.. وباركت له على التنظيم واللي قدمه.. وتاني أكدت إنه قريب جدا هيبقى في عمل يجمع ما بينهم.
الأكيد إن تامر حسني حر في علاقاته والستات اللي بيعرفهم.. بس الغريبة إنه مركز مع شمال إفريقيا.. ومحدش عارف بقى هو بيتورط في العلاقات دي ولا هو فعلا بيحب بسرعة وحساس زي ما بيطلع في الأغاني والأفلام.. هنشوف هو ويسرا ناويين على ايه الفترة الجاية.. ربنا يستر يا بسمة>
