فى رمضان؟ فى رمضان؟ ليس بهذا الشكل!.. خالد يوسف يغيب يغيب ويرجع بموهبة فنية من العيار الثقيل ،الغريب إن مسلسل سره الباتع فى مرحلة زمنية، والممثلين فى مرحلة زمنية أخرى.
رانيا التومى لما هلت غطت على أى فنانة تانية أكتشفها خالد يوسف على مدار تاريخه الفنى ..راهن عليها بقلب جامد لكن للأسف شكله خسر الرهان من بعد المشاهد اللى إتعرضت لها الساعات اللى فاتت فى مسلسل سره الباتع وكانت سبب الهجوم عليه.
ملابس جريئة ومشاهد غير لائقة ..والغريب إن الجمهور إتفاجئ وكان مستنى غير كده.. بس هو بيقول بيتحدى بها الممثلات المصريات وصرف نظر عن الإنتاج المحلى.. بس يا ترى إيه علاقتها بخالد يوسف؟ وليه بيدافع عنها رغم الهجوم؟ وإيه حكاية ملابسها الجريئة في رمضان؟.. تفاصيل كتيرة هنعرفها في التالي:
بيقولوا عليها الحسناء التونسية أصلها من تونس وحسناء طبعا؟.. هي أحدث أكتشافات خالد يوسف فى الوسط الفنى.. وإكتشاف إنما إيه خلى الجمهور يقلب عليه بمجرد عرض أول كام حلقه من المسلسل سره الباتع ..
الحقيقة إن الهجوم على خالد يوسف كان من وقت الإعلان إن رانيا التومى هتشارك فى المسلسل ..واللى مش عارف هى مين بدأ يدور وبدعبس وراها …
فى اللى إتفاجئ بمشاهدها الجريئة فى المسلسل خاصة إنها فى رمضان يعنى، وفى اللى عارف ودارس تاريخها شايف إن ده العادى بتاعها فى رمضان وغير رمضان ..
خالد يوسف طلع سره باتع فعلا.. رغم كل الناس اللي خايفه تشتغل معاه عشان مشاكله اللي اتورط فيها مع فنانات قبل كده.. إلا إن في ناس لسه بتحبه وبتشجعه..
رانيا قبل كده نشرت صورة مع المخرج خالد يوسف.. وقالت إنها مبسوطة إنها بتشتغل مع أكبر مخرج في العالم العربي.
وظهرت مع خالد يوسف لأول مرة في مصر على سجادة حفل افتتاح مهرجان القاهرة السينمائي في نوفمبر اللي فات.. وكانت دي بداية انطلاقتها الحقيقية وإن الجمهور يعرفها قبل ما تظهر في المسلسل..
رانيا التومى قايمة بدور عالمة مصريات فرنسية، وهنا كانت التريقة من الجمهور :يا جماعة خالد يوسف إختار رانيا علشان هى تونسية ويتتكلم فرنساوى كويس مش علشان حاجة تانية لا سمح الله خالص!
كل ده حاجة وتاريخها حاجة تانى خالص..رانيا التومى إتقال عليها ملكة جمال الطقس ونشرات الأخبار،هي عارضة أزياء ومذيعة تلفزيون تونسية إتولدت فى 27 يناير 1989،درست فى جامعة علوم الحاسب، دى مش أول تجربة تمثيل لها شاركت قبل كده فى مسلسل ناعورة الهواء وجسدت دور صحفية.
كمان شاركت فى مسلسل 16-16 ومسلسل مشاعر ،وإحتفلت بخطوبتها فى2021 ولكن مأعلنتش عن هوية خطيبها وإقتصر الحفل على القريبين منها بس، ولكن وفي فبراير 2022، كشفت بعض المعلومات عن خطيبها، وقالت، إنه بيعيش في تونس ،وكان بينهم قصة حب بعد ما كان صديق لها.
اشتهرت رانيا بتقديم أحوال الطقس والنشرة الجوية في تونس على قناة نسمة التونسية، ومن المواقف التي زادت شهرتها،لما ارتدت ملابس الأطفال المدرسية، وقدمت بها النشرة كاملة.
رانيا قالت كتير فى حوارات لها إنها معملتش أى عمليات تجميل وإنها بشكلها الطبيعى,بتتمتع كمان بإطلالات مبهرة دايما وعندها ذوق عالى فى إطلالتها دى اللى بتتناسب مع لون بشرتها ، كمان بلقب ملكة جمال تونس ولها جماهيرية كبيرة.
والمفاجأة كانت في معرفة خالد يوسف بيها واللي يعرفها من فترة مش بس بسبب المسلسل لكنه كان بيتابعها في أدوار كتير وقابلها قبل كده كمان في باريس.
السي فى بتاع رانيا التومى متستف أوى ..وأكيد كل كل المميزات والمواصفات دى اللى خلت خالد يوسف يختارها للمشاركة فى مسلسله الجديد،وبكده يكون ضمن نجاح المسلسل ولا إنتوا رأيكوا إيه؟ شاركونا فى التعليقات ..
