هاجمت الفنانة تهاني راشد، الفناتات بسبب ظهورهن بملابس غير لائقة وجريئة لا تناسب عادتنا وتقاليدنا الشرقية.
وقالت تهاني راشد، في تصريحات صحفية: الوشم حرام واللي بنشوفه بيحصل ده من علامات الساعة، زمان كنا بنلبس براحتنا بس لبسنا راقي وغير ملفت، ومحدش كان يقدر يبص لنا، إيه اللي بنشوفه دلوقتي ده؟!، راجل عامل ديل حصان، ووشم إيه ده.
وفي سياق آخر، سبق وكذبت تهاني راشد موقع ويكيبيديا، بسبب خطأه في عيد ميلادها، إذ أشارت إلى أن كل المعلومات المذكورة عنها على جوجل أو ويكيبيديا هي معلومات خاطئة، وليس هناك معلومة واحدة صحيحة سوى اسم والدها فقط، حيث قالت: عيدي ميلادي 2 فبراير سنة 1940، مش 11 سبتمبر 1935، زي ما مكتوب على ويكيبيديا.. كل اللي مكتوب عني على جوجل غلط، مش كاتبين حاجة صح عني غير اسم والدي فقط.
يشار إلى أن تهاني راشد فنانة من زمن الفن الجميل، شاركت في العديد من الأعمال الفنية، منها: إحنا التلامذة، رأفت الهجان، زيزينيا، السيدة الأولى، قضية صفية، بيت العيلة، نعم مازلت آنسة، خاص جدًا، علشان ماليش غيرك، عقدة ماما عزيزة، السيرة الهلالية، القضاء في الإسلام،على باب الوزير، يوميات ونيس.
