منتجة الفنكوش.. هذا هو الوصف الذي وصف به المطرب تامر عاشور المنتجة سارة الطباخ.. هو يراها هكذا وكل واحد حر يقول ما يريد. وهذا بعدما رأى معه ما كان من الممكن أن يوقف حياته الفنية.
أصلها كانت عاوزة تربطه جنبها ويبقى تحت أمرها هي وبس في الشغل بس ياريتها بتنفذ بقى.. طبعاً تامر عاشور مش أول سابقة للمنتجة سارة الطباخ ده قبل كده بهدلت المطرب محمد الشرنوبي في المحاكم ومخدتش منه حق ولا باطل في النهاية ده غير أزمتها مع شيرين عبدالوهاب وفي الفيديو ده هقولكم اللي حصل بين سارة الطباخ ونجوم الفن وسوابقها الكتير اللي ملهاش آخر.
سارة الطباخ منتجة اسمها معروف في الساحة وعندها شركة أفلام واتولدت في اسكندرية سنة 1980.. وتبقى بنت سيد الطباخ كان لاعب في نادي الأوليمبي السكندري.. وتعتبر واحدة من أشهر الإعلاميات في مجال الاستشارات الفنية والتسويقية الخاصة لأهم الفنانين.. اتعرفت أول مرة بين الجمهور سنة 2019 بعد ما أعلنت خطوبتها من الفنان محمد الشرنوبي.. وبدأت حكاياتها.
خدعت تامر عاشور
طبعاً بلاوي سارة الطباخ كتير ولحد دلوقتي تحس إنها منتجة على الورق بس أو بالاسم زي اللي حابة تاخد تايتل تعيش بيه وسط الناس وخلاص.. وكان ليها سابقة مع المطرب تامر عاشور اللي قرر يهاجمها لما جت سيرتها.. وقال عليها دي منتجة الفنكوش.. بس من حسن حظها بقى إنها مقدرتش تقف فصاده في المحاكم وتكمل أصلها كانت خسرانة خسرانة.
الحكاية بدأت لما الاتنين مضوا عقد مع بعض في بنود وخطط والمفروض بقى كل واحد عارف هيعمل إيه وتامر استنى منها تنفيذ مفيش فايدة وبيوصف اللي حصل إنها كانت عندها شغف في البداية وفكرة إنتاج ألبوم بس الفكرة طلعت وهمْ فنكوش زيها يعني.
دي هي فوق أي فنكوش ممكن أي حد يتخيله كمان والغريبة إنها اتخيلت إنها ممكن تزعل أي حد عادي براحتها بس كان غيرها أشطر.. وكان تامر عاشور مقرر إنه بشوف نفسه وشغله لكنه ولا زعل ولا شال منها كل الحكاية إنها قالت ومعملتش يوقف حياته عليها بقى لأ عادي هشوف شغله وهو مش تحت أمرها.. ولما بدأت تدخل معاه في قضايا واستدعت النقابة في الموضوع طلعت هي اللي ملتزمتش ومن رحمة ربنا عليها إن تامر هو اللي مكملش في إجراءات القضية.
بره الدايرة
لما أعلنت خطوبتها من المطرب محمد الشرنوبي سنة 2019 مقعدوش كتير والخلافات بدأت ووصلت المحاكم.. ده بقى خلى الشرنوبي اتعطل في مسبرته الفنية بسببها أصل اللي كان بينهم عقد احتكار يمنعه يتعاقد على أي عمل فني مع أي شركة غير شركتها والكلام ده هيفضل مستمر 10 سنين.. فاتت أيام وعدت أيام وبدأ الشرنوبي يشوف شغله ويديها الصابونة زودت القضايا زود شغله ولحد دلوقتي اللي وصلوا ليه إن العقد اتفسخ بسبب عدم الالتزام بالبنود وهو يقول أنا اللي معايا أحكام لصالحي وهي ليه بتقاوح.
شيرين عبدالوهاب كانت من بين ضحايا سارة الطباخ وده بدأ أول ما اتعاقدت شيرين معاها في فبراير سنة 2022، عشان إدارة أعمالها وده بعد ما كانت انفصلت عن حوزها حسام حبيب.. الموضوع عادي أهو لا في إنتاج ولا غيره.. لحد ما حصل مشكلة اتدخل فيها أخو شيرين وبعدين الفنانة رجعت لجوزها وأعلنت في أغسطس من نفس السنة إنها اتعاقدت مع مدير أعمال تاني اسمه مسمي ميمي وانتهت الحكاية مع سارة.
