“الوسط الفني” معروف إنه ملئ صراعات وطبعاً السبب الرئيسي في هذا الشهرة والنجومية التي تخلق المنافسة.. لكن في مثل شعبي بيقول “الجار قبل الدار” لكن هل الفنانين بيطبقوه في حياتهم؟
لكن كتير منهم بيتعرضوا لمشاكل مع جيرانهم بعضها ممكن يكون بسيطً وينتهي في وقته، انما في مشاكل بتتطور لسِباب وخناقات وبتوصل المحكمة.
أما لو الجيران كانوا مشاهير زي بعض فأكيد هتبقى مشكلة كبيرة وتاخد اهتمام أكبر على السوشيال ميديا زي ما حصل كدة بين “ياسمين عبد العزيز وهشام سليم” الله يرحمه.
خناقة شيرين وشريف منير
من الخناقات اللي حصلت بين النجوم ومحدش يعرفها كتير، حناقة الفنانة “شيرين عبد الوهاب” مع الفنان “شريف منير” لما كانت متجوزة الملحن محمد مصطفى وقاعدة في المقطم، والمشكلة ان الخناقة حصلت على باب العمارة ووصلت لقسم الشرطة.
لفظ غير لائق من شيرين لشريف منير
الخناقة بدأت بشكوى من “شريف منير” بتضرره من سقوط مية بشكل مستمر من أجهزة التكييف الخاصة بشيرين على البلكونة الخاصة به، بالإضافة لسقوط قطع رخام على شقته كانت هتصيب بنت من بناته.
“شريف” وقتها قال إنه أكتر من مرة ينبه على “شيرين” تاخد بالها وتنبه على الشغالين بتوعها يخلوا بالهم، لكن لما قابلها على باب العمارة عاتبها بشكل مباشر لكن هي أهانته ووجهت له ألفاظ غير لائقة في مفاجأة له.
بيقول ان الحوار ده كان قدام بواب العمارة والسكان ووقتها الناس اتفاجئت بألفاظ “شيرين” غير اللائقة، ودي اللي خلته يعمل محضر ضدها في الشرطة.
وكانت المفاجأة بعدما حرر المحضر إن “شيرين” راحت الجنينة بتاعته، وقامت بتحطيم كشك الحراسة الخاص به، فاضطر “شريف” لتحرير محضر تاني بالتهجم عليه وتكسير الكشك.الواقعة دي اتحولت لقضية كبيرة، واتحكم فيها على “شيرين” بالسجن 6 شهور.
خلعت الـشبشب وقالت له هكسر رجلك
“شريف منير” كان كشف عن تفاصيل تانية في خناقته مع “شيرين لما جاته رسالة منها قالت له فيها “كانت جيرة منيلة، وكان يوم أسود لما سكنت في مكان انت ساكن فيه”، لكن شريف مردش عليها إلا برسالة قالها “ماشي يا مؤدبة” فبعتت له رسالة تانية قالت له فيها: “غصب عنك يا رخم.. يا فاضي”، ولو طلعت عندي وربنا لأكسر رجلك”».
شريف وقتها قال هو ميعرفش تقصد ايه بكلمة “فاضي”، ولو كانت اقصد شغله غهو بيرفض شغل كتير يتعرض عليه، وإن كانت تقصد أفكاره فهو مستعد يناقشها في أفكارها علشان الناس تعرف خلفيتها الثقافية والسياسية والاقتصادية والاجتماعية.
“شريف” قال كمان إن شيرين مكانتش بتروح شقة المقطم كتير لأنها مملوكة لجوزها “محمد مصطفى” قبل متنفصل عنه، لكن اتفاجئ إن الشقة اتحولت لمكتب، واتفاجئ كمان بحاجات بتترمي من من شقتها على بلكونة بيته.
