لا احد كان يتوقع اعتزال الفنانة ميريهان حسين بشكل مفاجىء ، خاصة وان لها جمهور كبير بحبها و يتفاعل معها على السوشيال ميديا، لكن واضح ان ميريهان مرت بظروف صعبة واكتشفت ان التمثيل ليسمجرد موهبة لكن للاسف واسطة كبيرة وهي لا تعرف كيف تجد نفسها فماذا حدث؟
ميريهان اعلنت اعتزالها التمثيل و كمان السوشيال ميديا و خرجت عن صمتها بقى و قالت كلام كبير و مهماش حد وواضح انها عانت كتير و محدش كان واخد باله منها.
قالت ميريهان في ستوري انستجرام : اجازة مفتوحة من الـ سوشيال ميديا والمكالمات والالتزامات والمجاملات والتواجد من أجل الاخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي”.
ولمحت ميريهان انها مش بتلاقي تقدير من الوسط الفني لشغلها خاصة وانها عندها موهبة التقليد و نجحت فيها ، وقالت ميريهان “لا عايزة تقدير لا في شغل ولا في حياة ولا صحاب ولا حبايب ولا معارف ولا حاجة تستاهل ولا حد يستاهل اللي بيحبوني شكراً وكتر خيركم واللي مابيحبونيش شيلوني من حساباتكم لحد ماقدر أواجه الحياة الظالمة دي تاني سلام”…تعبت وأشعر بعدم التقدير لشخصي ولموهبتي ولم اعتد البقاء في مكان ومع أشخاص لا تقدرني تعبت لذلك اعتزل”.
ميريهان مكنتش مجرد ممثلة مستنية دور في مسلسل لكن عندها موهبة التقليد و دي حاجة هي بتحبها و بتطورها وبتعملها بشكل حلو بيعجب الجمهور ، ولما ظهرت مع اسعاد يونس في برنامج صاحبة السعادة عملتها فقرة مخصوص عشان تقلد فيها النجمات وفعلا كان فاجئت الجمهور بموهبتها خاصة لمًا قادت نبيلة عبيد و اليسا.
ميريهان كانت عايزة تقدير لموهبتها المختلفة دي وشايفة ان المخرجين اختاروها لادوار مش لايقة عليها و مش شبهها لكنها اضطرت اعملها بما ان ده الموجود لكن مش هو ده اللي هي عايزاه وبتدور عليه.
وكتبت ميريهان على انستجرام : بعدما قدمت العديد من الأدوار التي لا تشبهني ولا تشبه موهبتي ولا تستغل أدواتي كـ فنانة ممثلة محترفة وحصلت على العديد من ورش التمثيل، وأملك القدرة على التقليد بالأداء الصوتي والشكل والهيئة والملامح التي أجيد رسمها على وجهي بالمكياج والشعر دون مساعدة من أحد وبنفسي فقط بأبسط الإمكانيات وأصور بنفسي وأعمل مونتاج بنفسي.
وذلك لأعرض عمل مبدع بشهادة الجمهور الذي التقيه في الشارع والمول وكل مكان ليقولوا لي انتي مظلومة والله احنا نفسنا نشوفك في أعمال أكتر مناسبة لموهبتك الكبيرة.
مش بس كدا ، دي ميريهان قالت انها صوتها حلو و بتعشق الغناء لكنها تعبت ومش مبسوطة بكلمة انتي مظلومة اللي بتسمعها دائما من الناس.
وقالت انا مش هعرض موهبتي على اللي مش شايفها ولا مقدرها ومش محتاجها ، والوسط الفني كله مصالح و شللية ومين متجوز مين.
ميريهان رمت قنبلة كبيرة بالكلمتين دول ، وناس كتير اعتقدت انها بتعمل فرقعة عشان يجيلها ادوار اكبر واهم وانها لحد دلوقتي معملتش عمل قامت بيه لوحدها والمخرجين مش شايفنها ولا مقدرينها.
طبيعي انها تفكر كدا وهي شايفة ممثلات غيرها بيتنجموا و بيظهروا بشكل كبير و بيتعملهم شهرة وفلوس عشان اللي جوزها مخرج او عندها علاقات قوية بناس تقيلة في الوسط،، وده كان محتوى رسالة اعتزال ميريهان حسين.
طب ياترى فعلا ميريهان حسين اعتزلت عشان مش لاقية تقدير في الوسط الفني ولا الموضوع فيه انة و في سبب تاني مش عايزة اقوله دلوقتي ؟؟
من حوالي ٤ شهور قالت ميريهان في تصريحات انها بتعيش قصة حب مع شخص من خارج الوسط الفني ولمحت انها ممكن تتجوز السنادي وقلبها دق وعايشة مشاعر حلوة لكن مقالتش مين هو الشخص ولا طبيعة شغله و حبت تكون مفاجاة للناس لو الموضوع كمل على خير.
كمان ناس كتير توقعت انها تكون مرتبطة بحد كبير وتقيل لكنه متجوز ، لكن ميريهان نفت القصة دي وقالت اعوذ بالله انا عمري ما هكون زوجة تانية ابدا عشان انا غيورة ومحدش يشاركني في جوزي.
و ربط ناس كتير بين اعتزال ميريهان بالشكل ده و بين قصة حبها وانها ممكن تكون هتتجوز قريب والشخص اللي مرتبطة بيه رافض انها تكمل تمثيل لكن محبتش تقول كدا و استغلت قصة عدم التقدير و الوسطية اللي في المجال و رميت عليها شماعة اعتزالها ويمكن قريب تفاجئنا بجوازها فعلا ،، لحد دلوقتي مفيش ملامح لقصة الجواز دي.
لكن الغريب انها كمان قررت تعتزل السوشيال ميديا وهي اصلا عندها عشق كبير الانستجرام و كل شوية تنزل سيشن جديدة وكل صورها بتشد الناس وكمان بتستغل السوشيال ميديا في الترويج لموهبة التقليد اللي بتحبها و الناس متفاعلة معاها جدا فمش عارفين علي اي اساس قررت تعتزل السوشيال ولا ده قرار انفعالي كدا وكانت متعصبة شويتين وهترجعلنا تاني.
