ياسمين عز تحرج فيفي عبده.. والأخيرة: "ليه كده إحنا على الهوا مينفعش"

حلت الفنانة فيفي عبده، الليله ضيفة برنامج “كلام الناس” الذي تقدمه الإعلامية ياسمين عز عبر شاشة قناة أم بي سي مصر.

ووجهت الإعلامية ياسمين عز، حديثها للفنانة فيفي عبده، قائلة: “إيه رأيك في CR7- تقصد كريستيانو رونالدو-؛ لتبادرها فيفي عبده بالسؤال: مين ده؟ إيه CR 7 ده؟”.

وتابعت: “يعني إيه CR 7.. لا ده كده في إحراج ليا.. إحنا على الهوا.. ما ينفعش كده”.

كما سألت ياسمين عز فيفي عبده عن رأيها في تصريحها بشأن السماح للحماة بأخذ مفتاح شقة ابنها، قائلة: كنت بقول إيه المشكلة لما الزوج يدي أمه المفتاح علشان تطمن على مراته لو حامل ولو مسافرين تملى لهم التلاجة أكل، لكن الزوجة بترفض وتقول له يا أنا يا أمك.

بدروها قالت فيفي عبده: ليه افرضي لا قدر الله حد حصل له حاجة، دي مفيهاش حاجة طالما عايشة بنية كويسة ومحافظة على بيتها، الحماة بتاخد انطباع حلو عن مرات ابنها، ولو كل بنت رضت حماتها بتاخد ثواب زي الأم، وأنا أي زوج أتجوزته أمه كانت تاج على راسي زي أمي بظبط.

وأوضحت فيفي: “الست ليها حق تزعق لما جوزها يدخل بالجزمة، بس بطريقة النحنحة والسهوكة بتاعتك، وتقول له يا بيبي كده برضه يا حبيبي أنا لسه ماسحة ما تبقاش تعمل كده تاني.

بدورها قالت ياسمين عز: ده كده هيشلها فوق راسها ويلف بيها طول العمر.