أسرة الفنان والمطرب محمد ثروت تمر بأزمة كبيرة جدا خلال الفترة الماضية هذا بعد الأزمة الصحية التي تعرض لها نجله المخرج أحمد ثروت، الذي احتفل بزفافه من شهور قليلة، اليوم الدنيا اختلفت في عينه وحالته حرجة وتستدعي السفر.
من كام يوم دخل أحمد ابن الفنان محمد ثروت المستشفى على اعتبار إنه عنده أزمة قلبية.. وهيعمل عملية وإن شاء الله تعدي على خير.. لكن بمرور الوقت الموضوع عمال يكبر والقصة طلعت مش بسيطة.. بعد ما اكتشفوا إنه عنده مرض نادر بيجي لواحد في المليون
ومع تحسن حالته التدريجي قدر أحمد ثروت يكتب تفاصيل مرضه على حسابه على فيسبوك.. ونشر صور ليه من جوه المستشفى مع عيلته وصحابهم المقربين.. لإنه الحقيقة الفنان محمد ثروت وابنه في حالة كبيرة من الدعم ليهم في محنتهم من قبل نجوم الفن وأصدقاء المطرب الكبير
قال أحمد ثروت على فيسبوك:”في أسبوعين اختلفت الدنيا كثيرا عن ما كنت أراها.. واختلف تقييمي للسلع والعملات والنعم.. وأن حتى الوقت يمر بحسبة مختلفة، حسبة أطول وأبطأ، وأدركت أن النفس أغلى عملة، لا يمكن شراؤها”
وبعد شوية تعبيرات حزينة ومؤثرة كشف ابن الفنان محمد ثروت حقيقة مرضه بالظبط.. وقال إنه اتعرض لوعكة صحية مفاجئة وكان بيتعالج منها عادي.. وبعدين اكتشف بعد أسبوع من الفحوصات إصابته بمرض مناعي نادر في الجهاز العصبي.. اسمه متلازمة الميلر فيشر.. المتلازمة دي بتهاجم الجسم وتمنعه من الحركة التامة
وأشاد أحمد ثروت بالفريق الطبي اللي كان متوفر ليه وقتها.. وساعد في السيطرة على انتشار المتلازمة دي.. وبيستعد دلوقتي للسفر للخارج عشان مزيد من الفحوصات.. والبحث عن حل دائم.. لإنه ممكن في أي لحظة يصاب بحالة من عدم الحركة والسيطرة على جسمه تماما بشكل نهائي
طبعا الفنان محمد ثروت كان عنده رؤية تانية للحدث.. ابنه الكبير والمحبب لقلبه نايم في المستشفى تعبان وحالته مش مستقرة.. ووصف إنه طول الوقت بيتألم من المرض نادر الحدوث ده.. وإنه مشفق عليه من اللي بيمر بيه.. والدكاترة اللي بيبذلوا مجهود كبير جدا عشان ينقذوه
محمد ثروت كان بيعتمد الفترة اللي فاتت على ابنه أحمد جدا.. وهو اللي شجعه يرجع تاني يغني ويختار معاه ويدير أعماله.. يعني انت لو محتاج الفنان محمد ثروت في حاجة كان ممكن تتواصل مع ابنه على طول وكان غاية في الاحترام والتعامل
أحمد ثروت احتفل في شهر يونيو اللي فات على زواجه من لمى الشواربي لاعبة الأهلي ومنتخب مصر لكرة اليد، في حفل حضره عدد من الفنانين والعائلة.. ربنا يشفيك يا أحمد وتعدي المحنة دي على خير.
