فى تصرف غريب من محامية بالتزامن مع أول أيام عيد الحب، حرضت محامية الزوجات على الخلع.
وجّهت المحامية إيمان محسن، المتخصصة في ملف الأسرة، رسالة إلى كل زوجة تعاني من مشاكل أسرية، وطالبت السيدات اللاتي تعانين من أزمات زوجية، بتقديم هدية لأزواجهن في عيد الحب، وهي التمسك بحقوقهن القانونية وعدم التخلي عنها.
وكتبت المحامية إيمان محسن، عبر حسابها على فيسبوك: “عيد الحب قرب، الدلع كله عندي في عيد الحب، ومفيش احلى من انك تفاجئي فرعونك الكبير تاج راسك بمحضر من المحكمة يخبط علي باب حماتك اللي مخبية الفرعون ابنها عندها، والمحضر ينادي عليه بصوت شتوي حنين كله حب، يا استاذ مراتك رافعة عليك خلع ونفقة وتمكين، عشان يعرف يعني ايه بيت واهتمام ومسئولية“.
وأضافت: “الحب يعني تحب ولادك ومراتك وتخاف علي بيتك، مش تتجوز وتخلف وترمي وتملا المحاكم قضايا، وتشيل البلد مصاريف نفقات وقضايا متلتلة في المحاكم، وانت تروح تتجوز تاني وتالت، وعشان كده عرض عيد الحب عندي غير أي حد تاني، لأن انا برضه غير أي حد تاني، انا بتضامن مع اي سيدة مقهورة ومظلومة هي وولادها، وهو ده برضه حب لشغلي ومهنتي اللي اساسها رسالة اني اساعد اي مظلوم“.
