يرى نفسه لقطة ..وليس له مثيل ولا يوجد منه اثنين على الرض، البنات يلتفون حوله وألف بنت تحلم بنظرة منه فهل هذا غرور أم ثقة زائدة؟
المليونير أحمد حجازى فلوسه مقوية قلبه! وثروته مخلياه ماشى يا أرض أتهدى ما عليكى قدى! أما شكله وإستايله هيخليك محتار هو بنت ولا ولد! بحة صوته الأنثوية مودياه فى سكة غريبة!بشرته سيراميك وأنعم من البنات! أفعالة الغير أخلاقية خلته تصدر التريند لفترة طويلة! تصريحاته الغريبة قلبت الدنيا عليه!
مين المليونير أحمد حجازى؟ليه شايف إنه حلم كل بنت؟ وكلهم بيجروا وراه؟ إزاى إتحول من ولد بشحمه ولحمه لبنت بالشكل ده! مش هتصدق اللى عمله!
أحمد حجازى إتعرف فى غمضة عين على السوشيال ميديا..مش بسبب شكله الأنثوى بس وحركاته الجريئة وصوته النسائى على حق! لأ بسبب ترويجه للأفعال الغير أخلاقية! حجازى لفترة من الفترات قلب السوشيال ميديا..ومكانش لهم سيرة غير عن المليونير أحمد حجازى واللى بيعمله!
بيتفاخر دايما بأسعار الهدوم بتاعته والمجوهرات اللى بشئ وشويات!اللى لابسها من ساسه لراسه ،وقالوا عليه محمد رمضان لبنان! وإحداث نعمة مفيش بعد كده! بيتعشى فى باريس ويفطر فى المالديف ويتغدى فى سويسرا!
ثروته اللى عدت ال27 مليون دولار..ومحدش يعرف مصدرها ،الكل بيسأل من أين لك هذا يا حجازى ؟
لكن حجازى رغم إنه كل حياته على الملأ وكله على عينك يا تاجر إلا إن محدش يعرف مصدر ثروته منين ! كل اللى قاله إنه حقق إنجازات كتير جدا فى مجال الهندسة الإقتصادية والمدنية وعنده شركات فى كل دول العالم!هو لبنانى لكنه عايش فى باريس!
حجازى قدر بطلته الإنثوية إنه يستفز الناس ،قال على نفسه ملك جمال الكون ولبنان..ظهوره بيرقص ولا إجدعها رقاصة أثار غضب الناس!وبقوا يضربوا كف على كف أزاى قدر يجمع بين صفات البنات وبعض صفات الولاد بالشكل ده ..هو بنت ولا ولد؟وقالوا عليه لوسى بن طنط فكيهة!
حجازى أثار غيرة البنات بجسمه الناعم الأملس! والكل مستغرب هو هدفه إيه من ده كله؟ ايه اللى عاجبه فى حياة البنات علشان يبقى واحد منهم؟
هو قال قبل كده إنه نفسه يكون بنت! علشان كده دكاترة نفسين كتير حللوا شخصيته وقدروا يوصلوا للسر ورا كل الللى بيعمله حجازى فى الفيديوهات على السوشيال ميديا!
وقالوا عنه إنه مضطرب نفسيًا…وبيعاني من الاكتئاب على الرغم من ثروته الكبيرة دى ، وإن نشره لصوره الكتير بالطريقة الملفتة دى تقول إنه مش مستمتع بحياته بشكل طبيعي..
لما الجمهور المصرى هاجمه بسبب اللى بيعمله وقالوا عليه الواد البت!..هو مسكتش وقال إن المصريين أخرهم ياكلوا فول مع الحمير!وميرضاش يشغل حد مصرى عنده لإن المصريين مش من مستواه!ولو دخل مطعم فى باريس ولاقى مصرى شغال فيه بيقرف منهم جدا!لإنهم زبالة،وده طبعا لإن المصريين ميتوصوش فى الهجوم وعلموا عليه بجد!
حجازى عنده حس إختيار التريندات! لما لاقى الدنيا قايمة على أحمد سعد لما لبس التوب الشبك ..نشر صورة له جنب صورة سعد وقال إنه عملها سابق من 2018 وكان غيرك اشطر!
قال إنه وقت ما لبسه الناس كلها هاجمته وسبحان الله بعد حوالى 5 سنين لبسه بقى تريند ،وإنه بقى أيقونة الموضة وبيتقلد كمان !
فياترى أحمد حجازى عايز إيه من تصدره للتريند كل يوم والتانى ،وبما إنه مريض نفسي بسبب تصرفاته الغير طبيعية دى فالكل قال الأولى يروح يتعالج بدل ما ينشر ثقافة غير أخلاقية وسط الناس ولا إنتوا رأيكوا إيه؟ شاركونا فى التعليقات.
