محمد شابًا صغيراً في السن، ولكنه يحمل مسؤولية كبيرة على عاتقه حيث يقوم بدور الأب والأخ لأمه وخمسة أخوات له. يعمل محمد بجد واجتهاد لكسب لقمة العيش بطريقة حلال.
وتجمع الناس حول محمد ويشعرون بالتعاطف معه لأنه يمثل صورة الرجل الحقيقي الذي يعمل بجد ويحمل مسؤولية كبيرة على عاتقه، ويسعى جاهداً لتحسين حياة أسرته بأمانة وإخلاص.
من كام يوم كان فيه واحد ماشى بعربيته في موقف العاشر بالقاهرة فوجئ جنبه ان فيه عيل صغير واقف في قلب الموقف عمال يبيع مناديل وكمامات، استغرب الواد واستغرب صغر سنه وشكله النضيف ومرمطه في شغلانه زي دي في مكان زي ده، فا راح عليه وسأله اسمك ايه ؟ وبتعمل إيه هنا ؟ وهنا كان موعدنا عشان نعرف قصة اجدع ولد في مصر، صغير عمره 15 سنه بس راجل والرجوله فى طبعه وهمته وخوفه وحرصه على أهل بيته.
يجهز أخته للزواج
محمد لما بدأ بالكلام ظهر أنه ناصح، واد صغير بس دماغه موزونه، عاقل للكلام والكلمه مابتطلعش منه غير في مكانها، محمد قال إن أبوه طلق امه من فتره وسابهم هو وأخواته الخمسه ومن وقتها محمد طلع يدور على شغل عشان يساعد في مصاريف البيت، ليه ولامه ولاخواته اللى منهم بنت على وش جواز وهوا شغال دلوقتي أنه بيجهزلها جهازها كله من الألف للياء مش منعيها هم حاجه، شايف نفسه راجل وهو المسؤول عن جوازته أخته وربنا يعينه ويقويه.
محمد بيعمل في اليوم من شغله في بيع المناديل والكمامات بتاع 200 جنيه بيروحهم كل يوم لأمه يشوفوا هيعملوا فيهم إيه، يقسموهم جزء لبضاعة شغله تانى يوم وجزء يروح لجهاز أخته والجزء التالت يسددوا بيه الديون اللى عليهم، زي مثلا الراجل بتاع الفراخ في منطقتهم ليه عندهم 600 جنيه من رمضان، كل ما يتوفر مبلغ مع محمد بيروح يسدده ليه.
محمد وزي مابيقول في الفيديو نشره اليوتيوب الشهير يونس محمد، فا محمد الصغير أشتغل كل حاجه، من أول ما ابوه طلق امه وانفصل عنهم ومحمد عمال بيلف أي شغلانه تقابله يدخلها، اشتغل سمكري عربيات وحداد في ورشة حدادة وحتى في كهربا عربيات النقل، العربيات الكبيره دى اللى ما بيشتغلش فيها غير الحريف قوى، والواد الله أكبر عليه عنده موهبه وذكاء ربنا كرمه بيه خلاه يدوس في أي حاجه، بيلقط ويتعلم الصنعة بسرعه جدا، أى صنعه بقى اديله اول الخط وهو هيكمل.
محمد للى عايز يساعده أو حتى عايز يتعرف عليه فهو بنفسه هيقولكم رقمه في دلوقتي؛ ركزوا فيه كويس واسمعوه أكتر من مره عشان لو حد فيكم حابب أنه يساعده.
لحد هنا ونكون وصلنا لنهاية التقرير، أنتم إيه رأيكم فى محمد وشهامته وخوفه على أمه وأخواته وبالتحديد أخته اللى على وش جواز وهوا شغال أنه يوفرلها جهازها كله.. اكتبوا رأيكم عن محمد فى التعليقات.
