رخصتك واركن الحمار على جنب!عمرك تخيلت في حياتك تسمع الجملة دي؟!هذا الخيال ممكن يصبح حقيقة، لأن الحكومة أصدرت قرارات جديدة بخصوص لوحات المرور وفي القلب منها لوحات المرور الخاصة بالعربيات الكارو والحنطور.
اه والله زي ماسمعت، من هنا ورايح الحمار والحصان ليهم رخصة، فخليك معانا في الفيديو عشان تعرف ايه التفاصيل:
في الكام ساعة اللي فاتوا طلع قرارات مهمة جدا من وزارة الداخلية بخصوص قانون المرور، وكانت المفاجأة الكبيرة بخصوص العربيات الكارو والحنطور.. طب ازاي؟
الحكايه وما فيها يا سيدي ان القرارات الجديده دي بتوضح شكل والوان وطريقة تصنيع لوحات المرور الخاصة بكل نوع من المركبات اللي هتمشي على الطريق.
وخد عندك بقى النقل السريع والملاكي والموتوسيكلات وكله ده عادي، بس الجديد ان سيرة العربيات الكارو والحناطير جت في الموضوع
والمفروض حسب القرار ده، في حاجة في القانون اسمها مركبات النقل البطئ زي العجل والعربيات الكارو.
عشان كده من هنا ورايح:
لوحات المرور للعربيات الكارو وعربيات اليد والحنطور هيبقى لون الارضية فيها رمادي ولون الكتابه بالارقام والكلمات ابيض.
أما بالنسبه للدرجات بكل انواعها هيحصل العكس لان لون ارضيه اللوحه هيبقى ابيض والكتابه هي اللي بالرمادي..
وطبعا انت بتسأل نفسك دلوقتي: إزاي الكلام ده؟ وهل ده معناه ان العربيات الكارو والحنطور ليها رخص اساسا عشان يطلعها لوحة مرور؟
الإجابة على سؤالك ده، هي ايوة، وحسب اليوم السابع، قانون المرور الجديد سمح لجميع المحافظين فى الدولة، بإصدار تراخيص لسيارات النقل غير الآلية “الحنطور – عربات الكارو –عربات اليد”، مع تحديد خط سيرهم بشوارع و ميادين المحافظة و تنظيم حركتها.
كمان وضح إيه المقصود بمركبات النقل البطيء، وطلع المقصود بيها الدراجات غير الآلية والعربيات اللي بتمشي بقوة الإنسان أو الحيوان.
وحسب القانون، استخراج الرخصة مرهون بعدة شروط لازم تكون موجودة في اللي طالب الرخصة وأولها إن سنه ميقلش عن 18 سنة.
كمان لازم تكون لياقته الصحية مناسبة للسواقة معندوش اي مشاكل جسدية تأثر على السواقة.
وغير كده، لازم ينجح في اختبار فنى في سواقة النوع اللي عاوز يطلع ليه الرخصة وفي قواعد واداب المرو عموما.
واخيرا بقى ممنوع يكون عليه عليه حكم سابق في قضايا الممنوعات أو المخالفة لآداب المجتمع، وده لو مكنش عدى سنة على تنفيذ العقوبة أو على سقوطها بانتهاء المدة أو من تاريخ الحكم.
وفي كل الأحوال لا يجوز الترخيص بتسيير دراجات الركوب أو عربات اليد إلا بعد التحقق من قدرة المرخص ليه على قيادة المركبة وعلى إلمامه بقواعد المرور وآدابه.
أما بقى لو بتسأل عن معاد تنفيد قرار لوحات المرور للعربيات الكارو والحنطور، فالمفووص حسب موقع مصرواي، القرار اتنشر في جريدة الوقائع الرسمية بتاريخ 27 يوليو 2023, والتنفيد يبدأ من اليوم التالي لتاريخ نشره.
ودلوقتي بقى كلنا ايه رايك في قرار زي ده؟ وهل يساعد على تنظيم حركه المرور؟ واصحاب عربيه القرار فعلا هيلتزموا بيه؟
