فاكرين ملكة جمال كرواتيا التى تصدرت المشهد في كأس العالم، عادت الآن بكارير جديد بعد ما استقرت في ميامي بأمريكا وأسست بيزنس خاص بها، فماذا فعلت ؟ هذا ما نتعرف عليه من خلال التالي:
الموديل الكرواتية إيفانا نول اللي كانت أشهر من ماتشات كأس العالم نفسها في قطر.. لسه لحد دلوقتي مثيرة للجدل على السوشيال ميديا وده برضه اللي زود عدد الفولورز عندها في أقل من شهرين لحوالي 4 مليون شخص على انستجرام
إيفانا نول اللي بعد كأس العالم خسرت كتير من وزنها خصوصا بعد الانتقادات اللي اتعرضت لها بسبب لبسها في المدرجات عندها خطة جديدة للنجاح هي كانت رايحة تشجع بلدها وتسوق لمنتجاتها بالمرة.واللي عوزاه حصل.
ملكة جمال كرواتيا السابقة فتحت خط إنتاج بتكسب فيه جامد جدا من بيع المايوهات اللي على شكل علم بلدها من بيكيني لـ وان بيس لرجالي لحريمي الناس كلها بقت ماشية على الشواطيء لابسة أبيض في أحمر مربعات حاجة كده ولا في الخيال
وفي الوقت نفسه رجعت عاشت في ميامي.. وهناك بتقضي أيامها بطريقة مختلفة جدا.. قررت إنها تبقى راقصة.. وبتاخد دورس وتدريبات شاقة جدا عشان تحترف الرقص الشرقي قريب
ولما سألوها على انستجرام مين ايه نوع المزيكا اللي بتحبها.. ولا بتسمعي مين .. كانت المفاجأة إنها بتسمع روبي.. “أصل اللافندي ده في حتة تانية عندي”.. ومش بعيد نلاقيها قريب بتغني ولا بترقص معاها في كليب قريب
إيفانا قدرت تغير حاجات كتير في عادات وتقاليد قطر في فترة تواجدها في كأس العالم.. وقالت قبل كده إنها بتحترم الآخرين.. بس هي كمان حرة في لبنا وطريقة تفكيرها.. ومش فيديو ليها بالمايوه ولا صورة عالبحر هي اللي هتهز كيان دولة يعني
وبجرأتها دي خدت لقب المشجعة الأكثر إثارة في كأس العالم.. وكانت ناوية لو كرواتيا فازت بالنسخة اللي خدتها الأرجنتين دي.. إنها تمشي عريانة في الشارع.. تعبيرا عن فرحتها ببلدها.. بس النية مكانتش صافية وخرجوا من نص النهائي
ناس كتير كانت فاكرة إن إيفانا كانت بتحضر كأس العالم بدعوات وبراندات تانية بتتحمل تكلفة ظهورها.. لكنها أكدت إنها كانت بتدفع تمن كل التذاكرو بتحجز بنفسها.. وإنها هتفضل ورا منتخب بلادها وتدعمهم طول الوقت
في أمريكا بقى ملكة جمال كرواتيا علاقتها متوسعة جدا.. وعندها تواصل مع ممثلين ومشاهير زي جيمي فوكس.. ومغني الراب الشهير درايك.. واللي رغم ظهورها معاهم المتكرر.. إلا إنها لحد دلوقتي مشتغلتش في أعمال ليهم
