حكاية ولا فى الأفلام،ستذكرك بفطوم فى مسلسل كفر عسكر، المرأة المليونيرة التي كانت لا تمل من الزواج، ولكن المفاجأة ان في الحقيقة سيدة سعودية فاجأت الجميع بالبحث عن عريس ولكن بشروط وستدفع مهر 5 مليون ريال فما التفاصيل؟
تخيل يا أخى وصلنا لزمن إن الستات هى اللى تتقدم للرجالة،أه كلنا تابعنا الفترة اللى فاتت بقى فى جروبات على الفيسبوك إنك بتبعتي مواصفات شريك حياتك للمسؤول وهو يشوف المواصفات دى مناسبة مع حد تانى ويوفق راسين فى الحلال أون لاين بعد طبعا ما يتم التعارف وبعد كده يحصل الجواز أو ميحصلش..
لكن إيه حكاية الاعلان الغريب اللي نشرته مجلة سعودية عن ست منفصلة طلبت تتجوز وحطت شروطها..
بص يا سيدى ركز معايا كده ممكن تظبط معاك وتتفتح لك طاقة القدر من وسع، في مجلة سعودية مشهورة اسمها رؤى قالت إنها اتبعت لها رسالة من سيدة أعمال سعودية فائقة الجمال ومنفصلة وفى عز شبابها عندها 33 سنة،وحبت تتجوز فطلبت من المجلة نشر إعلان لها عن رغبتها في الزواج من شاب بمواصفات معينة، وبشروطها الخاصة اللي حددتها في الرسالة.
المجلة بتقول إن السيدة السعودية دى انفصلت عن جوزها لانه كان طمعان فيها وفى ثروتها ، وعلشان كده هى مش عايزة شاب طماع ويكون بيخاف ربنا ويحبها أهم حاجة مقابل كام بقى؟
مع الإنفتاح اللى حصل مؤخرا فى السعودية ،بدأت السعوديات يتجهوا لتغيير المفاهيم إن ميصحش تتجوز فلان لإنه مش بن حسب ونسب ،ولا إن لازم تتجوز حد من القبيلة بتاعتها ،وده كمحاولة لتقليل نسبة العنوسة.
ده غير إن مؤخرا انتشرت مجموعة من الشروط للسعوديات فى عقود الجواز وغريبة ان لازم يجبلها بيت خاص مستقل بيها و لازم يشتري لها عربية مش بس كده كمان أنه ميمنعاش من الشغل بعد ما تخلص الجامعة ولا من أنها تسوق عربيتها زي ما هي عايزة.
لكن السيدة بطلت حكايتنا عايزاك بشنطة هدومك، وشروطها مفيش أسهل منها شوية دلع وحنية ،هو الكلام بفلوس؟
الأيه اتقلبت وبدل ما البنات تقول اللهم ثرى عربى الشباب هتقول اللهم ثرية عربية ، هتتجوزها وهيدفعكلك إنت المهر 5 مليون ريال يعني حوالى 32 مليون و750 ألف جنيه بشرط هي اللي تختاره ويمضى على كل شروطها، وتكون العصمة فى إيدبها يعني وقت ما تلعب بديلك وتطلب منط الانفصال تنفصل عنها بكل هدوء.
المليونيرة السعودية قالت انها اختارت المجلة بالتحديد علشان بتهتم بالمرأة وقضايا المرأة وخاصة المرأة السعودية ومشاكل العنوسة والزواج عندهم.
أبسط ياعم السيدة السعودية قالت بالفم المليان مش شرط الشاب يكون سعودى لا عادى من أى دولة عربية، المصريين اهم حيوية وعزم وهمة ولا إيه ؟
بس لازم يكون مسلم وسيرته كويسة زى الجنيه الدهب،جنيه إيه بقى زى الريال وأهم حاجة يعوضها عن كل سنين الحرمان العاطفى اللى عشيتها بعد إنفصالها عن جوزها الطماع .
وكأى إعلان عن وظيفة أقصد عن جوازة لازم تحط البريد الألكترونى علشان تبعت سيرتك الذاتية عليه وتوضح فيها سنك واللى يأهلك للجواز منها مهاراتك يعنى وهل هو موافق على الشروك اللى هتقوله عليها قبل ما يحصل الجواز. بيدور فى دماغك سؤال وأنا هرد عليك وبالأرقام كمان، إيه اللى يخلى سيدة سعودية تعمل كدة؟
الأرقام الرسمية الصادرة عن جهاز الإحصاء السعودي بتقول إن عدد الإناث السعوديات اللي عندهم 15 سنة وأكتر ،ومحتجوزوش 2 مليون و261 ألف و 945 فتاة سعودية، ووصل عدد السعوديات اللى بيقولوا عليهم عوانس لمن وعمرهم عدى ال 32 سنة ومتجوزوش ل 227 ألف و 866 فتاة سعودية.
احنا بنتكلم فى ملايين ياترى السبب إيه؟الحقيقة إن الدراسة قالت إن من أسباب اللى خلت نسبة العنوسة عالية كده هى العادات والتقاليد وعدم توافق الأفكار بين الطرفين ده غير إن كتير من السعوديات بيفضلوا الشباب غير السعودي ،و مصر على رأس القايمة اللي بتفضل بنات السعودية الزواج من شبابها.
كمان الدكتورة نورة الشملان مديرة وحدة الأبحاث في مركز الدراسات الجامعية للبنات السعودية قالت إن معدلات الطلاق في السعودية ارتفعت في الفترة الأخيرة من 25 % ل 60 % وهويوضح أوى اللى بيحصل بسبب العادات القديمة للزواج عندهم.
طول الفيديو أكيد تخيلت نفسك أبو نواف طال الله عمرك صح؟ وياسلام لو تظبظ معاك وتنول المراد،إنت بقى كشخص سينجل أو سبق ليك الزواج ترضى توافق على الشروط دى وتتجوز المليونيرة السعودية والعصمة تبقى فى إيديها؟ولا ولا فلوس الدنيا تعوضك عن بنت بلدك يا أصيل؟
