في تدوينة حزن وأسف، كتب الإعلامي والفنان مراد مكرم، مقدم برنامج “الأكيل”، على صفحته الشخصية بموقع التواصل الإجتماعي “فيس بوك”.
برنامج الأكيل يضع مراد مكرم في ورطة
وكشف مكرم عن تعرضه للحسد والحقد من متابعيه، خاصة بعد خوضه تجربة برنامجه “الأكيل”، والتيت تسببت بإصابته بالكثير من الأمراض المزمنة منها الضغط والسكر، وزيادة معدل الكوليسترول والسمنة .
وكتب مراد مكرم قائلاً : “عايز افضفض ،وعايزكم تشيروها زي بالضبط لما بتشيروا صوري في الأكيل، الي الناس بتحسدني عليه فيه طبعا تعليقات لذيذه و محترمه،دي طبعا برحب بيها و مش بتضايقني،لكن فيه ناس للاسف تعليقاتهم بتنم علي فقر حاد في التربيه و الانسانيه….ودول احب اشرحلهم حاجه”.
وأضاف: “عمري ما كنت محتاج اكل،لاني اتولدت و عيشت في عائلة محترمه و ميسورة الحال لأب صاحب معرض موبيليا وام افنت حياتها في تربيتنا ،لكن لما اتعرض عليا برنامج الاكيل من خمس سنين ،كنت محتاج اشتغل،كريري كممثل ما كانش لسه متظبط،و كنت مابشتغلش من ٢٠٠٨ كمذيع.
وذكر : طبعا خروجا من ٢٥ يناير ثم سنة الاخوان،ثم ٣٠ يونيو وكل الاحداث الي بعد كده،شغلي الخاص كان بعافيه جدا،ومتجوز و مخلف و عندي مسئوليات.الي جانب طبعا ان والدي الله يرحمه كان توفي ،ومسئولية بيت العيله كانت علي عاتقي انا و اخويا”.
وواصل : “لما حكيت لامي فكرة البرنامج ،بكت،وقالتلي بقي بعد ما كنت بتستضيف نجوم الشرق الاوسط ،تطلع بتاكل؟؟ (للي ما يعرفش انا كنت مذيع من ١٩٩٨ في قناة النيل للمنوعات) لكن ،ما كان باليد حيلة ،والخيرة فيما اختاره الله…ولان ربنا جميل وما بينساش حد،البرنامج البسيط ده قربني من الناس بطريقه ما كنتش اتخيلها،وسنه ورا سنه،بقت الناس تندهني في الشارع بالاكيل رغم كل الادوار الي بعملها،لدرجة ان مديرة اعمالي عندها مشكله في وضعي كممثل فقط و ليس كأكيل.
واختتم : ولكن ولان كل حاجه وليها تمن،دفعت تمن الشهرة دي، ضغط عالي و سمنه مش عارف اتحكم فيها،وزياده معدل الكوليسترول و الدهون الثلاثيه في الدم ،والاقتراب من ارتفاع معدل السكر….ولان مهنة التمثيل علي كف عفريت،مازلت غير قادر علي ترك البرنامج حتي اجد برنامج اخر و تحدي اخر اكمل بيه مشوار الصعود في قلوب من احبني.الي جانب القدرة علي اختيار الادوار الي تضيفلي و تشرف ولادي و تسعدكم”.
موضوعات متعلقة :-
عمرو دياب يشارك جمهوره أغنيته الجديدة : ” أحنا بتوع اللى معانا”
