متى تنتهي المعركة بين الجنيه والدولار؟ يوم نجد سعر الدولار خارج البنوك بـ 38 جنيه ويوم آخر نده انخفض لـ 34 جكيخ واليوم نجد المضاربات علي الجنية وصلت فيها قيمة الدولار لـ 43 جنيه في العقود الآجلة، فهل يؤثر هذا عى قرار التعويم؟ تابعونا لمعرفة التفاصيل:
المضاربات على الجنيه المصري في سوق العقود المستقبلية مستمره و في اقبال عليها، وسجل سعر الدولار خلال الساعات اللي فاتت ما بين 42 جنيه و43 جنيه.لكنه في السوق الرسمية في البنوك لسا الدولار مستقرعند سعرصرف 31 جنيهاً للدولار.طب هوا ايه اصلا العقود الآجلة او المستقبلية اصلا!!
العقود المستقبلية هي عقود بتم بين طرفين وفيها بيحط كل طرف رهانه في العقد دا على السعر الي هيوصله الجنيه بعد سنه من يوم العقد دا لو كان العقد لأجل 12 شهرًا.. والعقود دي ملهاش تأثير علي سعر صرف الدولار في البنوك
يعني علي سبيل المثال لو اشتريت جنيه بعقد آاااجل سنة بسعر 40 جنيه للدولار الواحد.. بعد السنة دي لو كان سعر الدولار وصل لـ 50 جنيهًا مثلا هينزل ارباح علي العقد..
اما لو ثبت سعر الدولار او انخفض زي ما كلنا عايزين .. فمش هيبقي في ارباح علي العقد وبالتالي توقع العقود دي ارتفاعً قيمة الدولار فده بيدل على أن في قلق وتخوف علي مستقبل الجنية والاقتصاد المصري بشكل عام
لكن للاسف العقود دي هتضغط علي البنك المركزي انه يخفض العملة المصرية عشان يسد الفجوة بين السعر الرسمي في البنوك وسعره في العقود المستقبلية عشان يحجم المضاربات علي العملة
الجنيه من مارس 2022 انخفاض بقيمة 50% لغاية دلوقتي وفي توقعات بأنخفاض تاني الفتره الجاية عشان يجاري اسعار السوق السودا و العقود الآجله
ومن ضمن المؤشرات الي بتتوقع بالتخفيض القادم.. ان تداول شهادات الإيداع الخاصة بالبنك التجاري الدولي ال CIB في بورصة لندن بتم بخصم 31%، مقارنة بسعر سهمه في القاهرة، ودا أكبر فارق حصل من أغسطس 2016.
كمان حسن مالك، المحلل الاستراتيجي في “تيليمر” في دبي.. وضح ان المؤشرات دي بتعكس التوقعات بأن مصر هتسمح لعملتها بالتراجع مرة أخرى لتعويض الفارق..
لكن بالرغم من المؤشرات دي موضوع مصر كان حاضر في اجتماعات صندوق النقد الدولي وأشارت مديرة الصندوق كريستالينا غورغيفا إلى ثقتها بالتوصل إلى نتائج إيجابية في المفاوضات مع مصر
مديرة صندوق النقد الدولي قالت إن مصر زي غيرها من الدول الي حصل عليها ضغوط غير اعتيادية بسبب الصدمات الاقتصادية محليا وعالميا خلال االكام سنه الي فاتوا
ووضحت مديرة صندوق انه تم الاتفاق على برنامج جيد مع مصرو البرنامج بيضم 3 محاور أساسية – الأول – تحرير سعر الصرف والي واضح من خلال عدم تدخل البنك المركزي في سعر صرف الدولار
وتاني محور هو إتاحة المزيد من الفرص أمام القطاع الخاص عشان يلعب دور أكبر في خلق الوظائف والمساهمة بالنمو الاقتصادي المصري اجمالا
وتالت محورهو إدارة برامج استثمار طويلة المدى ومهمه جدا الفتره الجايةالتوقعات كتير و المؤشرات اكتر منقدرش نبعد عيونا عنها ..ولكن احنا في أزمة زينا زي بلاد تانيه كتير.. لكن ان شاء الله من خلال خطوات الاصلاح الاقتصادي الي ماشيين فيها و الي بيشيد بيها صندوق النقد الدولي نعدي الازمة دي قريب.
