حالة من الجدل الاسع أثارتها الإعلامية دعاء فاروق، الساعات الماضية، بعد منشور مفاجئ لها عبر حسابها على موقع “فيس بوك”.
وكتبت دعاء فاروق: “عشان نبقي على نور يا جماعة ومفيش ست تدخل تلاقي جوزها بيتهزأ عندي فتزعل.. أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر على شكل أو حجاب أو لبس هيتهزأ قدام أمة لا إله إلا الله.”
«أي راجل ينتقدني هشوطه».. دعاء فاروق تفاجئ الجميع برسالة صادمة
وتابعت: “ملكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك.. اللي بيتغزل أو بيقول كلام مايع بيتهزأ ويتعمله بلوك زيه زي اللي بينظر ويدخل يحاسبني إني بتاعت البرامج الدينية ويقعد ينظر على شكل أي حد ويخرجنا من منظومة الأخلاق والدين اللي محاوطاه ومحاوطة أهله فقط، الاتنين هيتهزأوا ويتعملهم بلوك.”
وأكملت: ” مفيش رجالة محترمة تدخل تبص وتتكلم على شكل أي ست عندى على صفحتي مهما حطيت من صور كلهم زملاء وسيدات محترمات لابسة إيه أو شكلها إيه، ده مش موضوعك عشان كرامتك مش هتعرف تلمها.. أنا بتناقش مع الستات وبحاول أوصل وجهة نظري معاهم في بعض المواضيع إنما مش بتناقش مع رجالة.”
واختتمت: “الراجل اللي هيدخل يقول كلمة مش مظبوطة هشوطه أنا مش بتملق حد ولا يفرق معايا مخلوق تحاسب نفسك الأول على حياتك ونواقصك قبل ما تدخلوا تحاسبوا الناس على حاجة مش من حقكم.. اللهم بلغت.”
